တန်ဆောင်မုန်းလပြည့်နေ့

ယနေ့သည် ၁၃၇၃ ခုနှစ် တန်ဆောင်မုန်းလပြည့်နေ့ ဖြစ်သည်။
မြတ်စွာဘုရားရှင်သည် ရာဇဂြိုဟ်ပြည် သမားတော်ကြီး ဇီဝက၏ သရက်ဥယျာဉ်တွင် ရဟန်းတော်
အပေါင်းနှင့် သီတင်းသုံးတော်မူစဉ် အဇာတသတ်မင်း လျှောက်ထားတောင်းပန်မှုကို အကြောင်းပြု၍
သာမညဖလ (ရဟန်းပြုခြင်းအကျိုး) ဒေသနာတော်ကို ဟောကြားတော်မူသောကြောင့် တန်ဆောင်မုန်းလပြည့်
နေ့ကို သာမညဖလအခါတော်နေ့အဖြစ် သတ်မှတ်ခဲ့ကြသည်။
တန်ဆောင်မုန်းလသည် ဗြိစ္ဆာရာသီကာလဖြစ်၍ လမင်းသည် ကြတ္တိကာနက္ခတ်နှင့် ယှဉ်ပြိုင်
ထွန်းပကာ တာရာမှာ ကျီးတာရာဖြစ်သည်။ ရာသီပန်းသည် ခဝဲပန်းဖြစ်သည်။ ပုဂံခေတ်က တန်ဆောင်မုန်းကို
]]တန်ဆောင်မှုန်}}ဟု ရေးသားပြီး အင်းဝခေတ်တွင် ]]တန်ဆောင်မုန်း}}ဟု ပြောင်းလဲရေးသားခဲ့ကြသည်။
အချို့က ]]တန်ဆောင်မှုန်း}}ဟုလည်း ရေးသားကြသည်။
ရှေးခေတ်မြန်မာတို့သည် တန်ဆောင်တိုင်ကို အလင်းရောင်ယူဆောင်သောတိုင်ဟု အဓိပ္ပာယ်သတ်မှတ်၍
နတ်ပြည်ရှိ စူဠာမဏိစေတီတော်အား ဆီမီး၊ မီးပုံးပျံနှင့် မီးရှူးမီးပန်းများ ချိတ်ဆွဲကာ အံ့မခန်းပူဇော်ကြသည်။
ကထိန်ဟူသည် ]]ကထိန}}ဟူသော ပါဠိဘာသာစကားမှ ဆင်းသက်လာပြီး ]]မြဲမြံခိုင်ခံ့ခြင်း}}ဟု
အဓိပ္ပာယ်ရသည်။ ]]ကထိန}}ဟု ခေါ်ရခြင်းမှာ အာနိသင်အကျိုးငါးပါး တစ်ပြိုင်နက်ရစေခြင်း၊ ဘုရား
အစရှိသော ပညာရှိသူတော်ကောင်းတို့ ချီးမွမ်းအပ်ခြင်း၊ ကထိန်ခင်း၍ အာနိသင်ရသော ရဟန်းတော်တို့မှာ
ကထိန်ခင်းသောနေ့မှ ငါးလခန့် အကျိုးတရားငါးပါး မြဲမြံစွာရခြင်းတို့ကြောင့်ဖြစ်သည်။ ကထိန်သင်္ကန်းသည်
တစ်နှစ်တွင်တစ်လ၊ တစ်လတွင်တစ်ကြိမ်သာပြုရသည့် ထူးခြားသော ကာလဒါနဖြစ်သည်။
ဗုဒ္ဓဘာသာဝင်များသည် တန်ဆောင်မုန်းလပြည့်နေ့ အရုဏ်တက်ချိန်တွင် မသိုးသင်္ကန်းများ ကပ်လှူရန်
အတွက် ရက်လုပ်ပူဇော်ပွဲများကို ကျင်းပလေ့ရှိပြီး နေ့ရက်မကူး တစ်ရက်တည်းအပြီး ရက်လုပ်လှူဒါန်းရသော
သင်္ကန်းဖြစ်၍ မသိုးသင်္ကန်းဟု ခေါ်ဝေါ်ကြသည်။
တန်ဆောင်မုန်းလပြည့်နေ့တွင် ဆေးပင်အပေါင်းကို စောင့်ရှောက်သည့် နတ်အပေါင်းတို့ မဲဇလီပင်
စောင့်နတ်ထံသို့ လာရောက်စုဝေးသဖြင့် မဲဇလီရွက်၊ မဲဇလီဖူးတို့သည် ကိုးဆယ့်ခြောက်ပါးသောရောဂါကို
ပျောက်ကင်းစေသည့် စွမ်းပကားကြောင့် ဆေးပေါင်းခသည်ဟု ဆိုကြသည်။
သို့ဖြစ်ပေရာ ဗုဒ္ဓဘာသာဝင်များသည် တန်ဆောင်မုန်းလပြည့်နေ့ အခါသမယတွင် ကထိန်သင်္ကန်း
ကပ်လှူခြင်း၊ သာမညဖလသုတ်တရားတော်ကို နာကြားခြင်း၊ ဆီမီးပူဇော်ခြင်း စသည့် ကောင်းမှုကုသိုလ်
အစုစုတို့ကိုပြု၍ မေတ္တာဘာဝနာများ ပွားများကြရန်ဖြစ်ပါကြောင်း နှိုးဆော်ရေးသားလိုက်ရပါ
သည်။ ။(အယ်ဒီတာအာဘော်မှ)